Eens in de twee joar wordt de Twentse taalpries anrekt an ne persoon dee zich inzet hef veur de Twentse sproak. D'r bint al verscheaidene leu dee dizze pries kregen hebt: Herman Finkers, Anne van der Meiden, Jan Roerink, Jan Swennenhuis, Thea Kroese en Johanna ter Steege.

A'j meer wetten wilt van de Twentse sproak (weure, grammatica, beuk) of de Twentse cultuur dan kö'j één van oonze curussen volgen. Op dizze webstie kö'j veenden wanneer en woar.

De leu van de Stichting Twentaal könt leazingen geavn oaver taal, cultuur en geschiedenis van Twente.

Al in de joaren 90 wörden de Streektaal in stijl biejeenkomsten in 't Bussemakerhuis in Boorn good bezoch.

Twentaal organiseert nog aait van dizze biejeenkomsten met verscheaidene vertellers op meardere steas in Twente.

D'r is niks mis met um met keender Twents te proaten. Tweetaligheid as eerste taal is good veur de taalontwikkeling van 'n keend (da's gen niejs mear, doaroaver bint wettenschoppers 't met mekaar eens). As basisschool kö'j oons vroagen um 'n moal 'n verhaal in 't Twents te kommen vertellen (dat doo'w um niks).

De Twentse sproak kan heel good broekt worden in theaterproducties of optreadens van cabaretiers. Wiej könt owleu ne tootas helpen.

Vanof 2002 produceert wiej veur RTV Oost de kerstnachtdeenst in de streektalen van Oaveriessel. Dizzen deenst wordt oetzunden op Mirweenteroavnd (24 december)

A'j as gemeente of parochie ne kearkdeenst in 't Twents wilt organiseren dan könt wiej owleu doar biej helpen. Wiej könt ok leedkes vertalen. Dat doo'w um niks.